الصفحات

السبت، 30 مايو 2009

الأول من حزيران معاً نحو المقاطعة

بعد طول انتظار...حدث شيء ما .... صغير ...ولكنه خطير...اعتراض
نعم بعد طول انتظار سنقول لا.......ـ
طبعا لاتتفاءلوا كثيراً بالمشاركة ... لأن شباب اليوم مازال يفكر على طريقة (وقفت عليي...ويلا اتصال مارح يكسر المقاطعة)...هي من ناحية أما من ناحية تانية فحتى لو شارك الشعب السوري كلو مافي أمل .. يعني لنوضح الموضوع .. يوم أكيد مارح يكسر ميزانية سيرياتيل ولا م.ت.ن ولا رح ينزلو سعر الدقيقة...يعني بدو الموضوع مقاطعة اسبوع لحتى يعطي تأثير.... بس المهم ...هوي شغلة بسيطة...لما بتصير المقاطعة وبتنجح رح ينظرو للمستخدم بطريقة أكثر احتراماً... طبعاً نجاح المقاطعة اليوم رح يشجع بشكل تلقائي على مقاطعات أكبر وأطول في المرة القادمة....وهذا ماتعلمه شركات الاتصالات ....لذلك لن يبخلو بحقن المخدر...في كل مرة يحسون برائحة المقاطعة...ـ

في موضوع تاني وهو أكثر أهمية ... لماذا مقاطعة شركات خاصة يخيف الإعلام حتى يخجل بنشره ... ياللمهزلة يا أما شركات الخليوي لها خصوصية بالغة ... بسبب ملاكها ...وأكيد مارح تخلونا نحكي هلق ... ونفش خلقنا بس بتعرفو البير وغطاه ...ـ

على كل أنتظر 1 حزيران بفارغ الصبر....وعلى ضوئه سيتحدد مصير سوريا يعني يا أما بيكون خطوة نحو التغيير نحو الأفضل.... وعلى قولة زياد
تصبحون على وطن


هناك تعليقان (2):

  1. الهدف المباشر هو اسماع صوت المشتركين للشركة..انكم بتستهبلوا ع ربنا .
    و الصوت رح يصلهم.
    هي فضيحة بحقهم بين شركات الموبايل بالمنطقة.

    عكلن انا فرحانة لشغلة وحدة..انو هالنوع من الحملات دخلت بنهج الشباب من اجل التغيير.
    و بتجاوبو او ما يتجاوبو..هي مو القضية.. القضية انها دخلت و تعلموا عليها..
    وحتى السوريين يلي برا..قاطعوا شركات الخليوي السورية:)

    ردحذف
  2. أكيد أمنية...
    الموضوع الأهم أنو يحس الشباب أنو نحنا كلنا ايد وحدة..بغض النظر عن الدين والطوائف...لازم نجتمع لنغيير الوضع نحو الأفضل...طالما الأفضل هوي لنا جميعاً...

    والأهم واللي فعلا لفت نظري هوي هيدا النفس الجديد عند الشباب ...أنو التغيير يإيدنا...والحق يؤخذولا يعطى...

    يعني من هون اجت أهمية 1 حزيران...
    السؤال اللي ناطر جوابو بـ 1 حزيران...هل الشباب صاروا من الوعي الكافي لتحمل مسؤولياتون...ولا اسا ماشيين على مبدأ فخار يكسر بعضو....وأنا مادخلني ...
    وبمشي الحيط الحيط وياربي السترة...

    ردحذف